حوار

حصة: ليش قاعده اجذب هالناس لحياتي (لماذا)؟

صوت حصة الداخلي: لأن طاقتك في هذه الفترة جذبتهم لك … طاقتك و مشاعرك اذا كانت منخفظه … من الطبيعي تجذبين الى حياتج اشخاص طاقتهم سلبية منخفظه.

حصة : شلون جذبت هالناس لحياتي (كيف)؟

صوت حصة الداخلي: مشاعرك، افكارك، ردود افعالك … وضعك النفسي

اغلب مشاعرك من الواضح انها كانت سلبيه !! … الافكار اللي تطري على بالك معظمها كان سلبي .. ردود افعالك اتجاه المواقف بعضها كان غير مريح … بشكل عام وضعك كان مو مضبوط !!

استمريتي ترسلين ذبذبات سلبية … هذه الذبذبات تبحث عن شبييها … و الاكيد ما يناسبها الا السلبي مثلها … فظهروا في حياتك

حصة: شلون اتخلص من هالناس اللي ظهروا في حياتي (كيف)؟

صوت حصة الداخلي: مثل ما كنتي في سحابه السلبية … حاولي تخرجين منها و تعيشين في سحابة الايجابية

افكارك بالنسبه لك و للناس لتكن ايجابيه

مشاعرك حافظي عليها مرتفعه اغلب الوقت

لا تحاولي تصدين هذه الناس او تقاومي وجودهم … لأن المقاومه تقابلها مقاومه … يعني راح يقاوموونج ويستمرون في حياتج

تقبليهم … تعاملي معهم بايجابيه و حب !!

طاقتك حينها ماراح تناسبهم ! راح ينفرووووون ( تنافر) و يختفون من حياتج بالتدريج

مستعده ؟؟

حصة: اكيد مستعده … لكن لى متى راح أستمر ..؟؟ و لااحظ انهم نفروا من حياتي ؟؟

صوت حصة الداخليهي2: لا تعدين !! لا تحسبين !! … عيشي حياتك بايجابية و حب .. طاقتك بروحها راح تطردهم …. لا تفكرين فيهم ! انتي قدها … لا تنسين تسترخين كل يوم و تتأملين … هالشي راح يساعدك تصفين نفسك من الداخل … و تذكرين تكرار التوكيدات الايجابية اللي تخليج اقوى

حصة: شكرا حصة احبج

صوت حصة الداخلي: و انا احبج

تعليقات (13)

الورده البيضاء

حوار رائع جدا

22/12/2011 at 8:17 مساءً

رد
الورده البيضاء

حوار جميل جدا ومفيد وكلنا نحتاجه
شكرا استاذه حصه
ياليتني عرفتك من زمان كان امور كثير تغيرت
لكن ما اقول الا الحمد لله على كل حال واعوذبالله من حال اهل النار

22/12/2011 at 8:15 مساءً

رد
شيرين

شكرا حصه ردك على مريم افادنى كتير يمكن لانى عندى نفس المشكله

28/08/2011 at 12:38 صباحًا

رد
مريم مراد

الله يوفقك يا رب ع ردك وتفاعلك
يعني اهما موجودين ولا لا ؟ نعم موجودين واتعامل معاهم بحب واحترام وهم كذلك بس فجأة يقاطعوني ليه مادري:( لا واحياناً يجرحون وهذا يحزنني لاني اتعامل معهم بما احب ان يعاملوني به وانصدم بتصرفاتهم ..

وراح اغير فكرتي من اليوم زي ما وجهتيني

” علاقاتي مستمره و مريحه” اتبنى هذي الفكرة حتى لو علاقتي بهم منقطعة ؟؟
طيب انا دئماً اتبنى فكرة “راح يرجعون” وارددها كتوكيد (طبعاً بعد ماتنقطع العلاقة لاني لم اكن متوقعه الانقطاع 🙁
شرايك صح علي ولا لا ؟؟

.
.
بالعكس ساعديهم اذا احتاجوا
و شوفي ابواب الرزق شلون تنفتح لج
عيشي الوفره و حسيها

ليتهم يطلبون المساعدة 🙁 انا خدومه حييل حتى لو على حساب نفسي احيانا ..
بس هم حالوا بيني وبين ما أحب وأخذوه بكيد وخُطط .. وربي يااستاذة هذا حالهم معي
انا افكر طول الوقت كيف اتخلص منهم احاول اتجاهلهم بس لما اتذكر سواتهم معي اتألم
ومرات ابكي .. وارجع لنفسي واحدثها ان يامريم اصبري العبرة بالخواتيم ورزقي من ربي ما حد بياخذه
بس احس ان المي يغلبني مرات ومرات اغلبة ..

27/05/2011 at 2:27 صباحًا

رد
1. Hessah Alhashash
  
  مريم …
  الحياة مثل النهر الجاري
  كل شي يمشي
  انتي ضبطي الداخل … قناعاتك
  و كل شي في حياتك من الخارج راح يتضبط
  اذا ما رجعوا الناس اللي تبينهم
  راح تقابلين اللي افضل منهم
  ما في شي في حياتنا يفضى
  كل شي يروح يرجع شي مكانه
  و الاجمل ان يكون الافضل
  يمكن رجوعهم ما يكون فيه خير لك
  و الخير بالقادم
  صدقيني امووووورنا كلها خير
  تبني هذه الفكرة
  الامور كلها خيــر … راح تكونين سعيده وراضية
  و انصحك فكري بما تحبين فكري بالناس اللي تحبينهم … الناس اللي يضرونك لا تفكرين فيهم لأنك طول ما تفكرين فيهم راح يتواجدون في حياتك و يضرونك
  
  29/05/2011 at 10:59 صباحًا
مريم مراد

حوار حلو يعطك العافية

ممكن استفسارين؟؟االاشخاص الي ابي وجودهم في حياتي كيف احافظ عليهم
لان علاقتي مع الناس تنتهي بسرعة وانا ارغب في وجودهم بس مو قادرة احافظ عليهم 🙁 ؟؟
ولما بعضهم يتحول عدو ينافسني في رزقي كيف اتجاهله وهو قدامي على طول ؟؟

24/05/2011 at 11:46 مساءً

رد
1. Hessah Alhashash
  
  مريم
  قلتي اللي تبين وجودهم !
  يعني اهما موجودين ولا لا ؟
  
  لاحظي كلمتك هذي ..
  “لان علاقتي مع الناس تنتهي بسرعة ..”
  هذه قناعه لازم تتخلصين منها
  بما انك تملكن هالفكرة و القناعه فانتي راح تستمرين تفقدين الناس !!
  كل شي راح يساعدج لتحقيق فكرتج حتى نفسك
  حاولي تتبنين فكرة …
  ” انا احب الناس و الناس تحبني”
  ” علاقاتي مستمره و مريحه”
  ” انا احافظ على علاقاتي”
  
  المنافسه بالرزق مافي !! لان احنا نعيش في وفره
  لان شغل مريم غير و غيرها غير !!
  انتي مختلفه و اللي يحذب الناس لك اختلافك
  بالعكس ساعديهم اذا احتاجوا
  و شوفي ابواب الرزق شلون تنفتح لج
  عيشي الوفره و حسيها
  و قولي الحمدلله على كل فلس يدخل عليج راح اييج اكثر 🙂
  
  25/05/2011 at 10:47 صباحًا
حرير عبدالله

حصة،،، برافوووو،،، من أجمل ما قرأت، جعلني أفهم أكثر كيف أتعامل مع مشاعري السلبية…. جدا جدا جدا شاكرة لك
وممتنة لوجودك في الحياة وفي نطاق معرفتي :))))

24/05/2011 at 10:59 صباحًا

رد
عبدالعزيز القطان

موضوع مهم بطريقة جميلة وبسيطة ..
موفقة خير يارب أستاذتنا 🙂

23/05/2011 at 6:06 مساءً

رد
وعود

مشكووووورة حصة روعة هالحوار

22/05/2011 at 8:39 صباحًا

رد
مشعل

أهنيك استاذة
حوار جميل مع النفس

21/05/2011 at 11:25 صباحًا

رد
حربيــه

روووووووووووووووووعه

وصيـــــــــاغة المعلومه تجنــــــــــن

شـــــــــــــــكرا استاذه حصـــــــــــــــه يعطيك العافيه

انا من فتره اتابع موقعك وحاطته بالمفظـــــــــــــله ومن احب المواقع لي

وكل مالقيت فراغ جيت ..اقرا ناويـــــــــه اختمه كلــــــــه من روعته ماشاء الله ويستحق القراءه

وتجربه الارز ارسلتها لصاحباتي بالايميل واعجبوا فيها وحطيت رابط موقعك لانه هاللمواقع المفيده تستحق ان تنـــــــشر من روعتها

يعطيك العافيه على المجهود ..

على فكره حتى صفحتك بالفيس اتابعك من حبي لابداعك وربي يزيدك معرفه

21/05/2011 at 2:22 صباحًا

رد
غدير

وأنا أحبج من قلبي … حواااااار أكثر من راااااااائع شكرا يا قلبي

21/05/2011 at 1:03 صباحًا

رد