العشرة أيام الأولى
بدأت في يوم الخميــس 18-2-2010
كان الوضع عادي في أغلب الأيام لأني كنت اتجنب الحوارات على مواضيع لاأحصل من وراها فائدة … وهذا ما كتبته خلال هذه الأيام ….
عدم الحكم اليــوم الثاني …. مســالمة جدا كنت 🙂 .. اليوم قررت ابدل افكاري اتجاه اشخاص في حياتي .. من باب عدم الحكم … من باب حسن الظن … واطلاق النوايا الايجابية … اتمنى لهم الخيــر وان يكونوا بخيــر ..واتوقع لهم كل الخيــر في حياتهم … و قمت اليوم بجلسة اطلاق نية حب وسلام لهم وسأستمر عليها .. طول الشهر… مررت اليوم بموقفين … عدوا 🙂 …داركت الافكار قبل ان تغلبني.
عدم اصدار الاحكام اليوم الثالث … وهذا يعني الأمس … كان اليوم هادي مافيه مواقف كثيرة .. بس لاحظت علاقاتي بناس قراب لي … كنت اسأل اسأله بالداخل نابعة من افتراض شيئ … يعني يمكن تزعل … يمكن تنزعج … يمكن تبي كذا … فالحل اني ابادر بالسؤال … أو اقوم بتصرف …لأتخلص من هذه الافتراضات.
اليوم 6 في اصدار الاحكام .. امس بدعت بالسوالف والاحكام ههه بس اليوم نيتي أن أدع الخلق للخالق و أريحهم من تحليلاتي وفرضياتي العجيبه … و أقابل أي موقف و أي انسان بإبتسامه من القلب
تجنبت بعض الأمور و التوافه وتعلمت ..
-
أن لا أعطي حلول لبعض المشاكل الا أن يطلب مني ذلك.
-
أتجنب أكون في حوار لا يخصني.
-
ابتعد قدر الأمكان عن المناقشات العقيمة … اللي مالها نهاية.
-
وأن لا أحاول أن أقنع الناس في أي أمر
تعليقات (8)
Hessah Alhashash
عليـــك بالعافيه المتأملة 🙂
المتأمله
معلمتي/حصه
ترى الصوره معبره0000ومره اعجبتني
ونزلتها على طول ع موبايلي
عشان اتذكر 000000الله يخليك لاحبابك:):)
Hessah Alhashash
أهلا أم عبود
حياك الله …. سالفه التطنيش حلوه 🙂 واهم شي اني ما اخلي شي بقلبي … وغير هذا والاهم ما احكم على شي ما اعرفه ! 🙂
المتأملة …
أمس قاعده مع خواتي في كافيه وكنا نسولف عادي 🙂
الشي اللي فيه حكم !… اقول مادري ! اللي يريحكم … واكمل سوالف عادي
وساعات اصدر الاحكام .. لكن من اخلي اقول .. حصه حكم تجنبيه المره اليايه 🙂
مافي مانع حتى انك تقولين اني تسرعت باصدار هذا الحكم وياريت تعذروني اذا كان الناس يتاثرون برايك
المتأمله
معلمتي المعطاءه
لك خالص شكري وتقديري
على التوضيح:) اللي في محله تماما:)
وباذن الله راح اراجع يومي واضبط افكاري اكثر(((الله يوفقني000000
تسلمين والله يسعدك ويحفظك اميييييييييييييييييييييين
ام عبود
مرحبا انا صار لي فتره أتابع المدونه بصراحه أستفدت منها كثير
وهاذي أول مره أشارك
بصراحه أنا صرت ما أعرف أعبر لأحد عن رأي لأنهم يقولون عني أني شوي متطرفه بصراحه أنا ماحب أقلد أحد يمكن عشان كذا الناس يظنون أني متطرفه شوي بس أنا أتقبل راي الجميع وأطلب منهم بس يتقبلون رايي بس لأسف يفسرونه على كيفهم المهم قررت أني لمن أسمع أطنش
والحمدلله مشت معاي السالفه
Hessah Alhashash
اول ما يبدأ الحكم فكرة !
تقدرين تتجاهلينها او تقضين عليها
انا اقدر اسولف عن نفسي وعن شخص اخر بوجودك
امدح شغله معينه او اعبر عن اعجابي بشي
في افكار تمر علينا وساعات ما نحس انها احكام
لكن لما تفكرين شوي تقولين اني راح اتجنبه
راجعي يومك المتأمله ! … هل معقوله كل حوار كان فيه حكم ؟
المتأمله
معلمتنا/حصه
عندي سؤال اذا سمحتي؟؟؟
انا جربت ان اعيش ليوم بدون احكام ولكني توقفت عن الكلام اصلا!!!!
فما ادري يصير كذا؟؟؟
ياليت تفيديني يامعلمتنا المعطاءه
ولكي خاص شكري وتقديري:):):)
kholoud
موفقه ان شاءالله