مساء الخيرات و المسرات 🙂

حبيت اكتب عن الاحداث الي مريت فيها هاليومين و الرسائل الجميله اللي غيرت يومي … بالأمس كنت محبطه و كنت اتمنى ان ساعات اليوم تنتهي بسرعة .. الى درجة اني ما عملت اي نشاط لا عقلي ولا جسدي … و قعدت اليوم من النوم نفس المود ! و مالي خلق احضر المحاضرة !

تابعوا معاي الاحداث ..

– طلعت من البيت متأخر ! فكرت اروح البنك … بالطريج اتصلت تليفون و ماركزت على الطريج ولقيت نفسي بالكليه !

– وصلت الكليه متأخره عن المحاضره و بدون ما افكر قلت خل امر المكتبه اشتري كتاب الماده

– كتاب الماده خالص ! رحت على ارفف كتب القراءة … قربت مني موظفة المكتبة و طلعت لي كتاب

– انا بالغالب ما اهتم للكتاب من عنوانه ولكن من اسم الكاتب … لقيت على الكتاب مكتوب ديباك تشوبرا .. قريت العنوان

GOD NEVER BLINKS و كأن عنوان الكتاب رساله لي ” الله لا ترمش عينه” بلغتنا يعني ” الله عينه ماتنام” … أمس بليل كنت أفكر إني ما ألجأ الا لله … ولا أحد غيره

– فتحت الفهرس لقيت مكتوب ..

when you doubt, just take the next right step

اذا كنت في حاله شك، فقط اخطو الخطوه الثانيه الصحيحة

Life is to short to waste time hating anyone

الحياة قصيرة لا تضيع الوقت فيها بكره أحد

don’t take your self so seriously. No one else does

لا تأخذ نفسك على محمل الجد، لا احد يفعل ذلك

alwayes choose life

دائما اختار الحياة

forgive everyone everything

اغفر للكل كل شيء

و كأن كل فصل فيه رساله مختلفه و تخصني … عناوين قويه …. ابتسمت 🙂 … شريته و جلست اقرأ … لكن قبل البدء بالقراءة لاحظت إن الكتاب أصلا مو لديباك تشوبرا … ولكن لوحده اسمها Regina Brett … المهم إن بعد قراءة بس عناوين الكتاب تغير المود 🙂 و كأن ولا شي حدث و لاصار … الحمدلله